Inakusaran ti France ti Islamic Revolutionary Guard Corps (IRGC) ti Iran nga adda iti likudan ti agsasaruno a cyber-attack a nang maniobra iti temperatura dagiti refrigerator ken freezer kadagiti supermarket iti intero a pagilian idi napan a bulan.
Segun ken ni French Foreign Minister Jean-Noël Barrot, awan kapadana ti Saklawen ken kinakaro ti napasamak a panangraut, isu a namakdaar ti France a patawan da ti sanction maibusor kadagiti responsable. Pinaayaban pay ti gobierno ti Iranian ambassador idiay Paris tapno maidanon ti napigsa a protesta da.
Napasamak ti insidente idi Oktubre 11, a dagiti hacker ket kinontrol da iti temperature-regulating software ti nasurok a 100 a supermarket ti Coopérative U ken 180 a sangay ti Intermarché ken Netto. Dimmanon ti temperatura iti dadduma a freezer iti 50°C iti maysa a rabii, a nakaigapuan ti pannakadadael ti tonelada a frozen a taraon.
Kabayatanna, linuktan ti piskal ti Paris ti imbestigasion maibusor iti Pangulo ti offensive cyber unit ti IRGC, ni Shahid Kaveh, ken dua kadagiti pannakabagi na. Dadduma a media outlet ti Iran ti nangilibak kadagiti alegasion ken impapilit da nga awan ti pammaneknek dagitoy.
