--Ads--
Pinalagipan ti Philippine Embassy idiay Paris dagiti Pilipino idiay France nga agisagana ti 72-hours nga emergency kit ken agannad iti baet ti agtultuloy a protesta a mapaspasamak iti nasao a pagilian.
Inlawlawag ti embahada a ti emergency kit ket paset iti regular nga addang ti gobierno ti France tapno masigurado ti kinasagana ti publiko iti panawen ti krisis.
Karaman pay kadagiti palagip ti panangpatalinaed a nadaras a maala dagiti passport, residence permit ken dadduma pay a napapateg a dokumento.
Nabalagaan pay dagiti Pilipino a mangipa-igid ti naan-anay a kuwarta no kas bilang saan a maaramat ti electronic payment systems, pagtalinaeden a nakalukat ti komunikasion iti pamilia, ken regular a kitaen dagiti opisial nga alerto ti gobierno.
-- ADVERTISEMENT --
