Naideklarar ti state of calamity iti probinsia iti Sorsogon gapu iti nakaru nga epekto ti krisis iti produkto petrolyo gapu iti tensyon idiay Middle East.
Segun ken ni Sorsogon 1st district Board Member Ed Atutubo, kasapulanen ti suportar ken ti deklarasyon ket mangted bileg iti gobernador a maiprograma ti 5% calamity fund para kadagiti agkasapulan.
Mayun-una iti panangted ti tulong iti sektor iti transportation sumaruno iti dadduma pay a sektor nga apektado iti krisis.
Naipatungpal ti deklarasyon iti probinsia ta marikna iti epekto iti oil crisis ket bassit laeng iti agbibiahe a lugan ken tricycle drivers, karamanen dagiti mangngalap.
Innayon ti opisyal a nalawag iti nakalanad iti Disaster Management Law a karaman iti mapaspasaran a man-made calamities kas ti economic displacement kas to mapaspasaran nga oil crisis a pagbasaran iti panagdeklarar ti state of calamity.
