Binigbig ken nagyamanan ni Presidente Ferdinand Marcos Jr. ti tulong ti pribado a sektor kadagiti ordinaryo a Pilipino ti panang-suportada kadagiti apektado iti krisis gapu iti tension idiay Middle East.
Pinasingkedan ni presidente Marcos a dakkel a tulong ti ipapa-ay ti sektor babaen iti nadumaduma nga inisyatibo.
Partikular a dinakamat ti presidente ti panangipatakder ti community pantry ken ti panagisayangkat ti feeding program kadagiti lokal a komunidad.
Kalaksidan kadagiti organisado a grupo, dinayaw pay ni Marcos dagiti indibidwal a naulimek a tumoltulong iti pada da nga umili a saan da nga ipabpablaak kadagiti social media platforms.
Segun ken ni presidente Marcos, saludo ti gobierno kadagituy a klase ti dedikasion ken panangisakit dagiti Pilipino.
