--Ads--
Uppat a Pilipino seafarers ti kumpirmado a natay iti agtultuloy a tension iti Strait of Hormuz.
Daytoy ti kinumpirma ni Department of Migrant Workers Secretary Hans Leo Cacdac iti baet ti agtultuloy a krisis idiay Middle East no sadino adu dagiti Pilipino seafarer ti naapektaran ti riri.
Pinasingkedan ni Cacdac a dagiti natay ket pakairamanan ti tallo manipud iti panagatake idi Agosto ken maysa a mapukpukaw idi Pebrero.
Umaboten iti tallopulo ket lima a barko ti naraut kabayatan ti panagdalyasat da iti Strait of Hormuz a nakalugan ti mapatta-patta a 500 Pilipino seafarers ken 70% kadagituy ket natalged a nakaawid iti pagilian, idinto a ti nabatbati a 30% ket mannarimaan ti pannaka-asikaso ti dagus a repatriation da.
-- ADVERTISEMENT --
