Pinasingkedan ti Malakanyang a naka-pokus ni Presidente Ferdinand Marcos Jr. iti trabaho ken gobierno saan nga iti politika iti baet ti krisis iti Middle East.
Segun ken ni Presidential Communications Office Undersecretary ken Palace Press Officer Atty. Claire Castro, priyoridad ti presidente ti solusion a mangpalag-an ti epekto ti nangina a presio ti langis ken protektaran dagiti Pilipino.
Impaganetget daytoy ni Castro kasaruno ti pammabalaw ti Makabayan Bloc nga ibagbaga da a ti ar-aramiden nga aksion ti administrasion iti energy crisis ket limitado iti rollbacks ken target na subsidiya.
Innayon ti opisial nga agtultuloy ti panang-pokus ti gobierno iti panangrisut ti energy crisis babaen iti target a subsidiya, transport support, ken dadduma pay nga intervention iti salinong ti Unified Package for Livelihoods, Industry, Food, and Transport (UPLIFT) Committee.
