--Ads--
Nagtaripnong ti Legislative-Executive Development Advisory Council (LEDAC) Ad Hoc Team tapno pinal nga isagana dagiti maipangruna a gakat iti administrasyon para iti 20th Congress babaen ti bilin ni Pres. Ferdinand Marcos Jr.
Karaman kadagiti maidurduron ti panangyatiddog ti income tax exemption, tax relief para kadagiti babassit a negosyo, tax amnesty ken panangikkat ti system loss charges iti singir iti kuriente.
Gagem pay dagiti gakat a maparegta ti ekonomia, mapapigsa ti food ken energy security, mapalawa ti social protection, ken mapasayaat ti serbisyo iti gobierno.
Dagiti nasao a gakat ket matratar iti sumaruno a full LEDAC meeting kadua ti Senado ken Kamara tapno mapadaras ti panagipasa kadagiti kangrunaan a linteg.
-- ADVERTISEMENT --
