Nagpanawagan manen ni Senate President Sherwin Gatchalian para iti insigida a panagbalin a linteg ti gakat a Granting Increase in Take-home Pay for All Working Filipinos (GINHAWA Act) iti baet ti agtultuloy a panagpangina ti presyo a makaapektar kadagiti pamilia a Pilipino ken babassit a negosyo.
Impaganetget ni Gatchalian no man pay bimmaba ti headline inflation iti 6.4% idi Hunyo, ti core inflation a saan a karaman iti agbaliw-baliw a presyo iti taraon ken enerhia ket ngimmato iti maika-innem a nagsasaruno a bulan iti 4.4% nga isun ti kangatoan a lebel manipod idi November 2023.
Gagem ti gakat nga ipangato ti take-home pay dagiti mangmangged babaen ti panangpalawa ti income tax exemption threshold iti P400,000 manipod P250,000 a tinawen a sapul ken panangpangato iti limitasyon ti tax-free a bunos iti P150,000 manipod P90,000.
Iti salinong ti Senate Bill No. 56 nga idurduron ni Gatchalian, mapalubosan pay dagiti micro enterprise karamanen dagiti sari-sari store, laundry shop, home-based salon, food stall ken babassit nga online seller, nga ag-claim iti nayon a tax deduction a katukad iti 50% iti gastosda iti panagpasueldo.
