VIGAN CITY – Makatulong a mangpapigsa iti financial security dagiti Pilipino ti kairusrusat a pension scheme ti Social Security System.
Segun ken ni Department of Finance Secretary ken SSS Chairperson Ralph Recto, ti iskema ket isu ti mangiturong iti financial freedom iti kada mangmangged nga umili.
Ti MySSS Pension Booster ket retirement savings program a buklen iti mandatory ken voluntary schemes kas ti Workers’ Investment Savings Program ken WISP Plus.
Agserbi ti Booster kas nayun a benepisyo iti binulan a pension manipud iti retirement benefit iti salinong ti regular SSS program.
Amin nga SSS member nga awan ti final benefit claim na kas ti Total Disability, Retirement, ken Death benefit iti salinong ti Regular SSS Program, ken dagiti binulan nga agsuelsueldo iti nasursurok ngem iti PHP20K ket otomatiko a mayenrol iti mandatory savings scheme ti MySSS Pension Booster.
