VIGAN CITY- Ti panangpapigsa ti panagkolektaan ti kontribusyon iti rumbeng a tutukan ti Social Security System (SSS), saan a ti panangipangato ti singir iti kadagiti miyembro.
Segun ken ni Bayan Muna Partylist Rep. Carlos Isagani Zarate iti interview ti Bombo Radyo Vigan, masapul a kissayan pay ti SSS ti administrative cost ken dagiti assets da a saan a maususar tapnu mainayon iti pondo da para kadagiti naduma-duma a programa kas iti nayon a pensyon dagiti retirees tapnu saan a baklayen dagiti aktibo a miyembro babaen iti nayon a kontribusyon.
Amken ni Zarate a ti implementasyon ti SSS Act of 2018 a pinirmaan ni Presidente Rodrigo Duterte iti irason dagiti employer a saan nga ipangato ti suweldo wennu agikkat da kadagiti empleyado da ta isuda ti mangbaklay iti dakdakkel a porsyento iti nayon a kontribusyon iti SSS.
