--Ads--
Saan a bumaba iti uppat a pulo nga indibidwal ti natay kalpasan a napasamak ti maysa a panagbettak idiay Northern Myanmar.
Napasamak ti insidente agarup alas dose ti aldaw idi aldaw, Mayo 31 iti Namhkam township.
Umabot iti uppat a pulo ket innem ti natay pakairaman dagiti ubbing, idinto a pitopulo met ti nadunor.
Pinasingkedan ti National Liberation Army (TNLA), a ti panagbettak ket gapu iti “accident detonation” dagiti nakapenpen a granada a maar-aramat iti panagmina ken quarrying.
-- ADVERTISEMENT --
