VIGAN CITY- Inallukoy ni Senador Sherwin Gatchalian ti gobierno a papigsaenna ti pannakaipatungpal ti comprehensive sexuality education (CSE) ken social protection program para kadagiti agtutubo nga inna.
Segun ken ni Gatchalian a makapadanag iti report ti Commission on Population and Development (CPD) ta dimmanon iti 22,000 dagiti teenager a nagsikog.
Maibasar iti rekord ti Commission on Population and Development, adu nga agtutubo ti nagsikog iti edad a sangapulo ket tallo agingga iti sangapulo ket lima.
Nagpanawagan pay ti senador kadagiti pannakabagi ti linteg a nainget nga ipatungpal ti linteg a mangipapaay iti proteksion kadagiti agtutubo a babbai kontra iti seksual a panangabuso ken kinaranggas.
Maysa kadagitoy ti Republic Act No. 11596 a mangiparit iti panagasawa dagiti ubbing wenno panagasawa dagiti menor de edad.
