Idurduron ni Sen. Loren Legarda iti sistematiko a reporma ti Department of Education (DepEd) a mangikonektar iti actual a sitwasyon kadagiti classroom ken ti gagem a padur-asen iti pagilian.
Maibasar ti panagadal ti EDCOM ii, impaganetget ni Legarda nga agtultuloy a mapaspasaran ti sistema iti edukasyon ti nakaru a parikot iti istruktura pakairamanan iti kurang a 165,000 classroom ken 30% laeng a pagadalan iti nasayaat ti kondisyonna.
Dinayaw met ni Legarda dagiti addang ti DepEd tapno tignayan dagiti nasao a parikot kas ti pannakaaramid iti 20,000 a baro a posisyon para kadagiti mangisursuro ken 10,000 nga Administrative Officer II.
Idurduron pay ni Legarda ti panakaipatungpal ti National Environmental Awareness and Education Act of 2008 a pinutarna, ket insaludsodna nu kasano nga isuro ti kultura ken pakasaritaan dagiti pagadalan.
