Inkari ni Senador Bam Aquino nga agisayangkat isuna ti imbestigasion mainaig iti nabuntog nga implementasion ti P67 bilyon a pondo a nailatang para iti pannakaipatakder ti 25, 000 a klasrum iti pagilian.
Daytoy ket iti baet ti rekord nga alokasion para iti sektor ti edukasion iti salinong ti 2026 General Appropriations Act (GAA), a gagem a risuten ti nabayagen a kinakurang dagiti classroom iti agduduma a paset ti Pilipinas.
Pinasingkedan ni senador Aquino a maysa kadagiti priyoridad na kas chairperson ng Senate Committee on Basic Education ket ammoen dagiti rason ti pannakaitantan iti panangipatungpal ti proyekto.
Innayon pay ti senador a sukisoken ti komite dagiti posible a lapped iti implementasion tapno masigurado a dagus a magunggonaan dagiti estudyante ken mangisursuro iti nailatang a pondo.
