Senado, nangipatungpal ti partial suspension iti trabaho ita nga aldaw

Naipatungpal ti partial suspension ti trabaho iti Senado ita nga aldaw, July 22, 2025 gapu iti natudo a panniempo ken pannakalayos iti sumagmamano a lugar idiay Metro Manila.

Impatungpal ni Senate President Chiz Escudero ti partial suspension ti trabaho iti sumagmamano a kameng ti Senado.

Dagiti laeng senate officials ken employees iti saan a karaman iti panagsagana ti 20^th Congress iti saan nga obligado a sumrek ita nga aldaw ngem depende ti discretion ti principal wenno opisina.

Kabayatanna, kasapulan a sumrek iti trabaho dagiti Senate Secretariat official ken empleado nga agsagana ti panaglukat ti 20^th Congress inton sumaruno a lawas.