Mangiruar ti show-cause orders ni Senate Blue Ribbon Committee kontra ti dati a congressman Zaldy Co iti mapapati a security aide-na a ni Orly Guteza gapu iti saan a panagdar-ay maipanggep iti flood control controversy.
Segun ken ni panel chair Senate President Pro Tempore Panfilo Ping Lacson, sumurotda pay laeng ti Supreme Court ruling isu a show-cause order ti immuna nga addang sakbay iti posible a contempt ken warrant of arrest no saan nga agbalin a satisfactory ti palawag.
Saan nga ammo iti ayan dagiti dua no man pay mapapati nga adda idiay Portugal ni Co idinto a ni Guteza ket immunan a nainaig iti Marine custody.
Ni Co a dati a House appropriations chair ket personalidad iti flood control anomaly ken sumangsango iti arrest warrant maipanggep ti maysa a proyekto idiay Oriental Mindoro.
Ni Guteza iti mapapati a nangibutaktak iti pannakaideliver iti kickbacks iti sanikua da Co ken dati nga Speaker Martin Romualdez, nga agpada a pinagkedkedan dagiti dua a politiko.
