Kinumpirmaran ni Ombudsman Jesus Crispin Remulla nga inaprubaran ti Anti-Money Laundering Council (AMLC) iti kiddawda a freeze order kadagiti baknang ni dati a House Speaker Martin Romualdez.
Kinunana a naipatuloden ti AMLC ti freeze order iti Court of Appeals.
Immunan a kinuan ti AMLC a nangiruarda ti freeze order iti maysa nga agpampanday linteg gapu iti koneksyonna iti anomalia iti flood control projects.
Sakup ti freeze order ti 25 bank accounts iti agpampanday linteg, sangapulo nga insurance policies a nakarehistro iti naganna, 27 bank accounts, 10 insurance policies ken investment account iti salinong ti nagan ti agpampanday linteg.
Karaman pay iti dua a banl accounts, pito a property accounts ken real estate property a nakarehistro iti salinong ti corporate entity.
Innayon ni Remulla nga adda innem a kaso nga adda pakainaigan ti flood control scandal iti maipila inton sumaruno a lawas.
