--Ads--
Winaswas ti Court of Appeals ti kiddaw ni dati a Bamban, Tarlac Mayor Alice Guo a makaruar iti pagbaludan kalpasan a makwestionaran ti legalidad ti panangkemmeg kenkuana ti Bureau of Immigration (BI).
Iti pito a kabulong ti decision idi October 5, inlawlawag ti korte nga agtalinaed a naibalud ni Guo maibasar iti decision ti Pasig City Regional Trial Court Branch 167 mainaig iti kaso a qualified human trafficking, ken saan a gapu iti warrant manipud iti BI.
Segun iti CA, awan ti makanay nga ebidensia a mangpaneknek a linabsing ti pannakaibaludna ti karbenganna para iti napaspas a trial ken pannaka-wayawaya.
Iti agdama, nakabalud ti dati a mayor iti Correctional Institution for Women idiay Mandaluyong City.
-- ADVERTISEMENT --
