Agtaltalinaed a kapigsaan a partido iti Kamara de Representates ti Lakas-Christian Muslim Democrats (Lakas-CMD).
Dayta ket iti baet ti immunan a panagakar iti sumagmamano a miembro nga agturong iti sabali a partido kas iti National Unity Party (NUP).
Segun ken ni House Deputy Speaker ken NUP Chairman Ronaldo Puno, agtaltalinaed a nangato ti bilang dagiti House member a nakaikappeng iti nasao a partido babaen iti panangidaulo ni dati nga Speaker Ferdinand Martin Romualdez.
Kinunana pay nga agtaltalinaed a natibker iti kammayet dagiti miembro ti nasao a partido iti agdama.
Patien ni Puno a kaaddoan kadagiti miembro iti Lakas-CMD ket mangsupsuportar iti impeachment complaint kontra ken ni Vice President Sara Duterte.
Binigbig ni Puno ti nasao a partido kas “father party” iti impeachment complaint kontra ken ni VP Sara, isu nga adu iti mangsuportar kadagiti reklamo apaman a maipresentar iti plenaryo iti Kamara.
