Pinasingkedan ti Malakanyang a saan laeng a simple a sarita ti maipagarup a panagpangta ni Vice President Sara Duterte kontra kada Presidente Ferdinand Marcos Jr., First Lady Liza Araneta-Marcos, ken dati nga Speaker Martin Romualdez.
Segun ken ni Palace Press Officer Atty. Claire Castro, no saan a maibilang a panagpangta dagiti sarita ti bise presidente ket masapul nga ipalawag ti kampo no ania ti husto a kayat na a sawen daytoy.
Impaganetget ni Castro a ti patangan ket adda pakainaigan iti national security gapu ta target ti panagpangta ti presidente ti pagilian ken ti nagsarita ket ti nakatugaw a bise presidente.
Kinarit ti opisial ti kampo ni VP Sara a paneknekan dagiti rason kas depensa, pakairamanan ti maipagarup a panaginget ni dati dating chief of staff na si Zuleika Lopez ken ti maibagbaga a pangta iti biag ti bise presidente.
