Impila ti Department of Justice (DOJ) ti reklamo a grave threats kontra ken ni Vice President Sara Duterte.
Segun ken ni DOJ Spokesperson Atty. Polo Martinez, naipila ti reklamo iti Office of the Clerk of Court iti Quezon City Regional Trial Court.
Ti nasao a kaso ket maipanggep ti pangta ni Duterte iti maysa nga online press briefing idi 2024 a nangibagaanna nga addan ti nakasaritana a tao a mangpapatay kada Pres. Ferdinand Marcos Jr., First Lady Liza Araneta Marcos, ken dati nga Speaker Martin Romualdez no isu ket mapapatay.
Kabayatanna, patien ni Martinez nga agsina ti proseso ti Quezon City Regional Trial Court iti Senate Impeachment Court no maipanggep ti kaso a ‘grave threats’ a sangsangwen ni Vice President Sara Duterte.
Innayonna a saan a makaapektar ti panagdenggeg iti kaso iti ‘Impeachment Trial’ iti senado iti bise presidente.
