Mabalin a sangoen da detained Senador Rodante Marcoleta ken dati nga Representative Michael Defensor ti reklamo iti subornation of perjury mainaig ti “coached” a testimonia ni dati a Marine a ni Orly Guteza iti panagdengngeg ti Senate Blue Ribbon Committee.
Segun ken ni Senador Panfilo Ping Lacson, naipakita iti pasamak iti panagdengngeg ti Blue Ribbon Committee a sinurwan ni Marcoleta ni Guteza no ania ti ibaga na iti affidavit mainaig iti maipagarup a panangipatulod na kadagiti maleta a naglaon ti kuwarta iti sumagmamano a personalidad, pakairaman ni former Speaker Martin Romualdez.
Pinasingkedan ni Lacson a karaman iti mabalin nga agipila ti reklamo ni Romualdez, a nairaman iti umuna nga sarita ni Guteza.
Innayon ti senador a mabalin pay nga agisayangkat ti Department of Justice ken Office of the Ombudsman ti preliminary investigation mainaig ti posible a kaso a perjury kontra kadagiti adda iti likudan ti immuna a testimonia ni Guteza gapu ta maibilang a public crime ti perjury.
