Inkalintegan ni Senador Risa Hontiveros a saan a nasken a makemmeg ti sinuman a senador bayat nga adda iti session ti Senado.
Nasaludsod ti senador mainaig ti pannakairaman da Senador Christopher ‘Bong’ Go ken senador Ronald ‘Bato’ Dela Rosa kas co-perpetrators ni dati a Presidente Rodrigo Duterte iti kaso a sangsangoen na a crimes against humanity iti International Criminal Court.
Sungbat ni Hontiveros a suportaran na ti immuna nga statement ni Senate President Vicente Sotto III nga awan ti senador ti Pilipinas ti mabalin a makemmeg bayat nga adda iti session ti senado.
Aminado pay ti opisial a napateg a mapagpapatangan ti banag iti agbalin a caucus ti senado a manamnama a maisayangkat inton bigat, Pebrero 18.
Napateg pay a mapagpapatangan ti extent nga ited a proteksion ti senado para kadagiti dua a nainaganan a senador no kas bilang mangiruar ti ICC ti warrant of arrest kontra kadakuada.
