Nakemmeg ti Regional Target List iti salinong ti COPLAN MALIK iti naisayangkat nga operation idiay Barangay Baliw Laud, Sta. Maria, Ilocos Sur.
Ti suspek ket agtawen iti tallopulo ket innem nga agnaed iti nasao a lugar.
Ti panagtitinulong dagiti otoridad ket naisayangkat iti search warrant idi rabii iti alas onse kwarentay singko iti rabii agingga itay alas singko iti bigat iti nasao a lugar gapu iti panaglabsing ti suspek iti Republic Act 9165.
Naala manipod ti suspek iti drug evidence a maysa a gramo iti mapapati a shabu nga aggatad ti P6,800a naglaon iti dua a piraso iti heat-sealed transparent plastic sachets ken non-drug evidence a maysa a piraso iti open empty sachet a naglaon iti mapapati a shabu residue, dua a piraso iti strips iti aluminum foil iti mapapati a residue iti shabu, maysa a piraso iti improvised aluminum foil tooter nga adda suspected shabu residue, maysa a piraso iti tissue paper, maysa a piraso iti napisang a paset iti bond paper, maysa a piraso iti color black lighter, maysa a pares iti getteng ken maysa a unit iti cellphone.
