--Ads--
Agdama nga agpapalaing iti balay pagagasan ti maysa a mannalon kalpasan a natagbat iti abaga-na idiay Barangay Cabaroan, ili ti Magsingal.
Ti biktima ket agtawen ti limapulo ket pito, naasawaan, mannalon ken residente ti nadakamat a barangay, idinto a ti suspek ket pada na a mannalon nga agtawen ti pitopulo ket maysa residente met laeng ti nasao a barangay.
Basar iti imbestigasion, adda saan a nagkinnaawatan ti biktima ken ti suspect mainaig iti boundary ti pagtaltalonan-da, idin ta kellaat a tinagbat ti suspek ti biktima iti abaga-na.
Naipan iti balay pagagasan ti biktima para ti naan-anay a pannakatamingna idinto a dagus a pimmanaw ti suspek kalpasan ti insidente.
-- ADVERTISEMENT --
