--Ads--
Inkari ti gobierno ti Saudi Arabia a bayadanda ti wage claim ti rinibo nga overseas Filipino worker a naawanan iti trabaho kalpasan ti 2015 economic crisis.
Idi Hulyo, pinasingkedan ni Pilippine Migrant Workers Secretary Hans Cacdac a nakairuar pay laeng ti Saudi iti P1.95 bilion kadagiti 2,500 a Pinoy a mangmangged a naawanan iti trabaho gapu iti pannakalugi dagiti kompania nga Arabo a pagub-ubraanda.
Maibasar iti listaan ti Department of Migrant Workers, pakabuklan a 10,554 nga OFWs ti apektado.
Immunan a pinasingkedan ti Philippine Embassy idiay Riyadh a nakipatangda pay iti gobierno ti Saudi tapno mapaalisto a maproseso dagiti saan pay nabayadan a claim.
-- ADVERTISEMENT --
