VIGAN CITY – Agtultuloy ti naununeg nga imbestigasyon ti kapulisan iti napasamak a pammaltog kenni Elmer Amin idiay Brgy. Resurrecion, San Juan.
Iti pannaki-uman ti Bombo Radyo Vigan kenni PMaj. Christopher Ramat, hepe ti San Juan Municipal Police Station, makitinnulong dan kadagiti nadumaduma nga intelligence branch ti PNP kadagiti kabangibang nga ili ti San Juan tapno mabigbig dagiti suspek a naalaan pay ti CCTV nga agtugtugaw kabayatan iti pananguray da kenni Amin.
Kabayatanna kinuna ni Edgar Amin a burburtia kadakuada no ania iti basol ti kabsatna ta awan met ti nadakdakamat na a parikot na kadagiti naglabas nga aldaw.
Innayonna a nakitadan ti CCTV Footage dagiti suspek a nangpaltog ti kabsatda ngem saanda a mairupaan wenno kamammu iti kinataoda.
