Impila ni Leyte Rep. Ferdinand Martin Romualdez ti House Bill No. 7663 a gagem a mangted ti P3,000 a binulan a pension ken social protection package para kadagiti kualipikado a senior citizen, addaan rangkap ken mannalon a saan a sakup iti Social Security System (SSS), Government Service Insurance System (GSIS), ken pribado a retirement system.
Segun ken ni Romualdez, napateg a maaddaan ti pension tapno masigurado iti finance dagiti mannalon a masansan a nababa wenno saan a sigurado ti sapulda ken napilitan nga agtrabaho iti nasursurok iti tawen a panagretiro.
Kinunana a makatulong ti regular a pension tapno makissayan ti namnama iti pamilia ken maliklikan ti panagilako iti sanikua para iti inaldaw-aldaw a magastos.
Ti “Comprehensive Farmers’ Pension and Social Protection Act” ket pinutar ni Tingog Party-list Rep. Jude Acidre.
Iti salinong ti gakat, ti kwalipikado a benepisyaryo ket pakairamanan dagiti mannalon nga agtawen iti innem a pulo agpangato nga awan iti maaw-awatna a pension, PWD farmers, indigent a mannalon a nabigbig iti Local Government Unit-da kasaruno iti Community-Based Monitoring System Act.
Naituding pay iti gakat iti panangted ti P50,000 basic life insurance ken agingga P25,000 accident ken disability assistance kada claim.
