--Ads--
Inawagan ni Bicol Saro party-list Rep. Terry Ridon a pananglokloko ti petisyon ni Vice Pres. Sara Duterte iti Korte Suprema tapno lapdan ti impeachment proceedings kontra kenkuana.
Segun ken ni Ridon, ti nasao a petisyon ket nakabasar iti madi a panangilanad kadagiti actual a pasamak ken madi nga interpretasyon iti Konstitusyon ken maipatpatungpal a jurisprudence.
Kinunana a ti nasao nga addang ket pananglokloko ti bise presidente ken dagiti abogadona iti Korte Suprema ken iti publiko.
Pinasingkedanna pay a saan a pudno iti maibagbaga iti petisyon ni Duterte a saan laeng a ti plenaryo iti Kamara de Representantes ti nag-refer iti impeachment complaints a House Committee on Justice.
-- ADVERTISEMENT --
