Pinasingkedan ti spokesperson ti defense team ni Vice President Sara Duterte a ni Atty. Michael Poa a ti panagatendar ti bise presidente iti posible nga impeachment trial ket depende no kasapulan ti presensya na iti korte.
Daytoy ket kalpasan a nagdesision ti House Committee on Justice nga adda probable cause tapno ma-impeach ni VP Sara basar iti dua nga impeachment complaints.
No maipasa iti Senado ti Article of Impeachment, daytoy ket ma-convene kas impeachment court tapno denggen ti kaso.
Impunto ni Atty. Poa a saan met a kanayon a masapul a presenta iti amin nga hearing dagiti immuna a na-impeach kas ken ni dati a Chief Justice Renato Corona.
Nupay kasta, impasigurado ti kampo ni Duterte nga umatendar da iti impeachment trial no kas bilang matuloy.
