Target ti House of Representatives nga aprubaran ti dua a priority measures ti Legislative-Executive Development Advisory Council (LEDAC) iti panaglukat ti session inton bigat, Mayo 4, segun ken ni House Majority Leader ken Ilocos Norte Representative Sandro Marcos.
Ti gakat ket ti National Land Use Act ken dagiti panang-amyendar iti Pantawid Pamilyang Pilipino Program (4Ps) Act.
Inlawlawag ni Marcos a gagem ti National Land Use Act a mangted ti puonan para iti land use planning ti pagilian idinto a ti amyendar iti 4Ps ket gagem na a papigsaen ken palawaen ti flagship social protection program ti gobierno.
Kabayatanna, immunan nga inkari ni House Speaker Faustino Dy III a priyoridad ti Kamara dagiti gakat a mangprotektar iti publiko kontra iti epekto ti nangato a presio ti langis gapu ti tension idiay Middle East.
