Rice importation iti pagilian, posible nga umabot iti 4.7 million metric tons

Posible nga umabot ti all time high a 4.7 million metric tons ti angkat iti bagas iti pagilian sakbay a maleppas iti tawen.

Segun ken ni Assistant Secretary ken Department of Agriculture Spokesperson Arnel De Mesa, agingga December 12 ket umaboten ti 4.48 million metric tons ti imported a bagas iti pagilian.

Inlawlawagna a saan nga aglablabes iti naangkat a bagas ta nagsasaruno iti didigra iti pagilian kas ti El Niño ken napipigsa a bagyo.

Segun ken ni De Mesa, ti imported a bagas ket umanay para iti tallo a bulan a suplay sakbay a sumrek ti harvest season.