Umaboten ti P200,000 a gungguna iti siasinoman a makaited ti impormasyon wenno makaitudo iti ayan ti suspek a ni Edison Malubay Bayumbon wenno alias Xander.
Ni alias Xander ket wanted gapu iti panangpaltogna kadagiti dua a polis idiay Bocaue, Bulacan bayat ti buy bust operation idi March 8, 2025.
Segun ken ni PNP Spokesperson ken Police Regional Office 3 Regional Director PBGen. Jean Fajardo, ti nayon a P100,000 a gungguna ket agtaud iti lokal a gobierno ti Bulacan.
Iti agdama ket amamwen dagiti otoridad nu karaman dagiti polis iti dadduma pay a krimen babaen ti pannakaidalan ti forensic investigation ken cross-matching iti paltog a natinnag iti crime scene gapu iti panagdardarasna a naglibas.
Pinasingkedan ni Fajardo a naipaayan ti Medalya ng Kadakilaan ti dua a polis a da PStaff Sgt. Dennis Cudiamat ken PStaff Sgt. Gian George Dela Cruz.
