Ilong-longalong ni Parañaque 2nd District Rep. Brian Raymund Yamsuan ti “lifetime validity” ti Person with Disability Identification Card (ID) tapno maikkat ti rigat ti proseso ti periodic renewal.
Impila ni Yamsuan ti House Bill 6306, kapada ti panangbukel ti unified PWD ID system ti Department of Social Welfare and Development (DSWD) ken National Council on Disability Affairs (NCDA).
Segun ken ni Yamsuan, saan a nalinteg nga i-renew pay ti ID dagiti PWD iti napaot a kondision gapu ta narigat para kadakuada ti agbiahe ken ag-proseso ti papeles.
Mamati ti agpampanday linteg a makatulong ti reporma ti panangliklik ti panang-peke dagiti PWD Id’s, lumag-an ti trabaho dagiti lokal a gobierno ken masimpa ti registration dagiti husto a benepisyaryo. Reynand Fontejon
