Nagballaag ni Senador Raffy Tulfo iti agtultuloy a panagpangato dagiti kaso ti bullying iti pagilian nga agresresulta no dadduma iti pannakatay, uray no adda naipatungpal nga Anti-Bullying Act of 2013.
Iti panagdengngeg ti Senate Committee on Basic Education, nadakamat ni Tulfo ni kaso ti maysa nga estudiante nga adda rangkapna a naipadamag a nagpakamatay kalpasan a timpuak manipud iti maikapat a kadsaaran ti Quezon City Memorial High School.
Segun iti inana, mapapati a nakapadas ti ubing iti panang-bully sakbay a napasamak ti insidente.
Nadismaya ti senador nga agtaltalinaed a “bullying capital of the world” ti Pilipinas, ta mapatta-patta a 1 iti kada 3 nga estudiante a Pilipino ti makapadpadas iti bullying iti inaldaw.
Manipud iti 1,158 a nairekord a kaso idi 2013 sipud naipasa ti linteg, immaboten iti 20,000 ti kaso idi 2018.
