--Ads--
Nakikammayet ni House Committee on Appropriations Chair Elizaldy Co iti Police Security and Protection Group para iti kanayonan a seguridad para kadagiti agpapanday-linteg.
Segun ken ni Co a sipud inrugi ti Quad Committee ti imbestigasyon da iti relasyon ti illegal drugs ken operasyon ti POGO ket adu kadagiti kongresista ti nakaawat iti death threats.
Inyunay-unay na a saan nga angaw ti trabaho dagiti kongresista.
Ngem iti laksid ti pangta a maaw-awatda, kinunana napigpigsa ti tarigagayda a mangibutaktak iti kinapudno ken manggun-od iti hustisia.
-- ADVERTISEMENT --
Kinunana pay a saan laengen ti kinatalged ti mapagpapatangan no di ket ti panangsigurado a maituloy dagiti agpapanday-linteg ti imbestigasion nga awan ti padnaganda.
