VIGAN CITY – Mangidiaya iti provincial government babaen iti panangidaulo ni Governor Ryan Luis Singson iti relief goods idiay Itbayat, Batanes.
Segun kenni Singson, napagnunumuan dagiti gobernador ditoy pagilyan a tumulong da idiay Batanes gapo iti napasamak a ginggined iti nasao a lugar ta ni Batanes Governor Marilou Cayco ket kadua da met iti Governor’s League of the Philippines.
Dagiti ipatulod iti provincial government idiay Batanes ket pakaibilangan ti danum, de lata, noodles ken dadduma pay a taraon a nadaras laeng a maluto.
Kabayatanna, agtultuloy iti pannakikinnammayet ti gobernador kenni Cayco tapnu maamuan nu anya pay iti sabali a maitulong iti probinsiya kadagiti biktima ti gingined.
Maipan dagiti relief goods idiay Laoag Airport babaen iti eroplano ni Gov. Jose Alvarez ti Palawan ngem gapu ta saan nga umanay amin dagiti maipatulod a relief goods, agsapsapul da iti sabali pay nga aircraft a mabalin da a buluden.
