Kiddawen ti House prosecution panel iti Senate Impeachment Court nga ideklarar a hostile witness ni dati a Deped official Atty. Michael Poa iti impeachment trial ni Vice President Sara Duterte.
Segun ken ni House prosecution panel spokesperson ken Lanao del Sur Rep. Zia Alonto Adiong a gapu iti nagbalin nga akem ni Poa iti DepEd idi secretary isuna ni Duterte, maysa isuna kadagiti napateg a testigo iti patangan ti confidential funds.
Kinuna ni Alonto Adiong, karaman ni Poa kadagiti opisial a nagtignay iti Audit Observation memoranda (AOM) nga inruar ti Commission on Audit (COA) maipanggep ti confidential fund ti DepEd.
Pinasingkedan ti agpampanday linteg a nagserbi ni Po akas Assistant Secretary ken DepEd spokesperson isu a maibilang isuna a counterpart ni Office of the Vice President (OVP) Assistant Secretary Lemuel Ortonio.
Malaksid iti akemna iti DepEd ket kinuna ni Adiong a maysa ni Poa kadagiti abogado ni Duterte iti impeachment trial.
