Nakipagladingit ti Police Regional Office 3 (PRO 3) iti pamilia ken dagiti giyyem ken ti buo nga Ateneo de Manila University kalpasan ti insidente a pannakalmes a nangitunda ti pannakatay ti dua nga student-athlete idiay Dipaculao, Aurora.
Nabigbig dagiti biktima a natay a da Rene Clert Baterbonia ken ni Divine Adili.
Segun ken ni Police Brigadier General Jess Mendez, Regional Director ng PRO 3, dagus a nagresponde dagiti kameng ti Dipaculao Municipal Police Station idi naawat da ti damag ken nakibinnulig da iti maseknan nga ahensia tapno mangted ti tulong.
Dagus a naitaray iti kaasidegan nga ospital dagiti biktima ngem naideklarar da a dead on arrival babaen ti attending physician.
Impasigurado ti PRO 3 nga agisayangkat da ti nainget nga imbestigasion ken makitinnulong da iti sabali pay nga ahensia tapno masigurado a marisut nga husto ti amin nga aspeto ti insidente.
