Dead on arrival ti maysa nga estudyante kalpasan a naidungpar iti kongkreto a poste idiay along national highway sakupek ti Barangay Nalasin, ili ti Santiago.
Ti nagmaneho ti Suzuki Raider 150 FI motorcycle ket agtawen iti duapulo ket maysa, residente ti Barangay Olo-Olo Sur iti nadakamat nga ili.
Iti pannakiuman ti Bombo Radyo Vigan ken ni PCPT Justine Jeff Aguigam ti Santiago Municipal Police Station, agpapa-amianan a direksion ti motorsiklo iti national highway ket idi nagteng na ti nakapasamakan ti insidente partikular ti panagdalyasat na iti kurbada a paset ti kalsada, na-overshot ti motorsiklo ket naawanan ti kontrol ti drayber, rason ti pannakaidungpar na iti konkreto a poste.
Gapu ti impact ti pannakaidungpar ti biktima iti poste, naipurwak pay daytoy iti agingga 20 a metro manipud iti nakapasamak ti insidente.
Nadundunor iti agduduma a paset ti bagi ti biktima a dagus a naitaray iti balay pagagasan para ti naan-anay a pannakatamingna ngem naideklarar a dead on arrival.
Kabayatanna, pinasingkedan ni Aguigam a posible a nataray ti motorsiklo ken naka-inom ti arak ti biktima idi mapasamak ti insidente, segun kadagiti salaysay dagiti kakaduana.
Awan ti suot nga protective helmet ti nagmaneho ti motorsiklo idi ma-aksidente.
