Ti panangideklarar ni Bise Presidente Sara Duterte ti kandidatura na iti kina-Presidente inton 2028 elections ket mangpapigsa pay ti rason no apay a masapul na a sangoen dagiti impeachment complaint kontra kenkuana.
Segun ken ni Akbayan Rep. Perci Cendaña, saan a masapul a padasen pay ni VP Sara a liklikan ti impeachment proceedings na ken nasken a sungbatan na dagiti alegasion kontra kenkuana.
Dak-dakamaten ti agpampanday linteg ti nakatuding a panagdenggeg ti House Committee on Justice inton Abril 14 a dagiti naipa-subpoena a dokumento ket manamnama a maipresentar tapno mausar dagiti miembro a basaran no adda probable cause wenno awan dagiti naipila nga impeachment complaint.
Karaman kadagiti naipa-subpoena ti kopya ti Statements of Assets, Liabilities, and Net Worth (SALN) ni Duterte, kasta met ti financial ken business documents na ken ti asawana a ni Mans Carpio.
