--Ads--
Nakipagladingit ni President Ferdinand Marcos Jr. idiay India kalpasan ti trahedya a napasamak iti Air India Flight AI-171 a nagswek iti asideg ti Ahmedabad, India.
Nakalugan iti Air India passenger plane nga agturong koma idiay London iti 242 a pasahero idi nagswek iti bagatan a laud iti siudad sumagmamano laeng a minutos manipod nag-take off.
Segun ken ni President Marcos, pakaladingitan dagiti Pilipino ti trahedya ken makipagrikna iti India ken ni Prime Minister Narendra Modi ita nga agladladingit iti pagilianda.
Mangnamnama ti presidente nga agserbi a bayabay ti agtultuloy nga imbestigasyon ti trahedya tapno malawagan dagiti napanawan a pamilia.
-- ADVERTISEMENT --
