Tuntuntonen ti World Health Organization dagiti pasahero a naglugan iti maysa a flight manipod iti isla ti Saint Helena nga agturong idiay Johannesburg a nagluganan ti maysa a cruise ship passenger a natay gapu iti hantavirus.
Segun ti South African airline nga Airlink a nakabase idiay South Africa, pakabuklan a walopulo ket dua a pasahero ken innem a crew ti naglugan iti nasao a flight idi April 25.
Karaman kadagiti pasahero ti maysa a babai a Dutch a ti asawana ket natay gapu iti nasao a virus.
Segun ti WHO, kimmaru ti kasasaad ti babai bayat nga agbibiahe agturong idiay Johannesburg.
Immunan a bimmaba ti babai manipod iti barko iti Saint Helena idi April 24 kalpasan a nakarikna iti sintomas iti gastrointestinal ket idi dimteng iti ospital, saanen a nakalasat ken nagpositibo iti hantavirus.
