--Ads--
Natalged a nakadalyasat ti Indian-flagged tanker nga adda kargana a liquefied petroleum gas (LPG) iti Strait of Hormuz kas pinasingkedan ti gobierno iti India.
Ti tanker a Green Sanvi ket adda kargana a nasurok-kumurang 46,650 metric tons iti LPG ken adda naglugan a duapulo ket lima a seafarers idi nakadalyasat iti nasao a ruta.
Ti Strait of Hormuz ket maysa a napateg a pagdalanan iti world supply iti langis ken gas ngem apektaranna iti taray ti maritime traffic kalpasan dagiti airstrike iti US ken Israel kontra iti Iran.
Iti baet dayta ket pinasingkedan ti gobierno ti India a siguradoenda a natalged ti pagdalanan para iti sumagmamano nga Indian-flagged vessels iti napalabas a tallo a lawas.
-- ADVERTISEMENT --
