--Ads--
Nagpanawagan ni Pres. Ferdinand Marcos Jr. iti ad-adu a pribado nga ospital a makikaysa iti PhilHealth iti panangipatungpal ti co-payment policy tapno makissayan ti gastos dagiti pasyente.
Iti panagsaritana bayat ti panagpirma iti Memorandum of Agreement iti nagbaetan ti PhilHealth ken St. Luke’s Medical Center, kinuna ti president a saan a rumbeng nga agbalin a lapped ti pagkurangan ti kuarta tapno makaala ti kasapulan a serbisio medical.
Segun ti president, napateg ti panagtitinnulong ti gobierno ken pribado a sector tapno nalaklaka ken accessible ti healthcare.
Karaman kadagiti addang ti gobierno ti Zero Balance Billing kadagiti DOH hospital, medical assistance para iti indigent patients, ken panangyatiddog ti PhilHealth benefits.
-- ADVERTISEMENT --
