--Ads--
Sangapulo ket uppat nga ubbing ti natay idinto a lima iti nadunor kalpasan a narpuog ti atep ti maysa a tutoring center iti siudad idiay Lahore, daya a paset iti Pakistan.
Kinumpirmaran met dagiti opisyal iti siudad ti bilang dagiti natay ken maysa a mangisursuro iti nadunor.
Dagiti biktima ket agtawen iti uppat agingga sangapulo ket dua.
Nakemmeg dagiti dua a tao maipanggep iti nasao nga insidente.
-- ADVERTISEMENT --
Kabayatanna, agtultuloy ti panagkalap ti ebidensya iti nakapasamakan iti trahedya.
Nakipagladingit met ni Pakistan Prime Minister Shehbaz Sharif kadagiti pamilia dagiti biktima ken insigida nga imbilinna ti panangted ti tulong medical kadagiti nadunor.
