--Ads--
Napapatay dagiti puersa ti seguridad ti Pakistan ti walo a maipagarup a terorista, pakairamanan ti maysa a suicide bomber iti intelligence-based operations iti probinsia ti Balochistan.
Segun iti Inter-Services Public Relations (ISPR), nakarekobre met dagiti otoridad iti dakkel a suplay ti armas ken bala iti operasion a naisayangkat iti lugar ti Kolpur.
Imbingay pay ti militar a natay ti maysa nga opisial ken maysa a soldado kalpasan a rinaut dagiti terorista ti patrol vehicle-da babaen ti panangusar kadagiti armado a drone.
Nagtultuloy ti clearing operations dagiti security forces tapno mataming ti nabati a pangta dagiti terorista ken mataginayon ti talna ken seguridad iti lugar.
-- ADVERTISEMENT --
