Kinumpirmaran ti Iran-aligned Houthi group idiay Yemen nga inatakeda ti Jazan refinery iti Saudi Aramco, mano nga aldaw kalpasan a nagpirma ti Saudi Arabia ti maysa a defense pact kadua ti Turkey ken Pakistan.
Segun ti Houthi military spokesperson a ni Yahya Saree, nagaramatda ti drone tapno targeten ti refinery idiay Jazan, southwestern Saudi Arabia.
Kinuna met Saudi Energy Ministry a naaddaan ti uram iti refinery ngem insigida a nadepdep, ken awan iti naireport a nadunor.
Ti Jazan refinery ket adda kapasidadna nga agproseso iti agingga 400,000 barrels iti crude oil kada aldaw ken datin a nagbalin a target dagiti panagatake dagiti nasao a rebelde a grupo.
Malaksid iti Saudi Arabia, kinuna pay ti Houthis a nangisayangkatdan ti missile ken drone attacks kontra iti Mocha, maysa a Yemeni Red Sea port city.
