--Ads--
Nangituding ti Department of Health (DOH) ti fast lane iti 33 a DOH hospital para kadagiti pasiente a natamaan ti leptospirosis kalpasan a ngimmato ti kaso gapu ti panaglayus nga epekto ti habagat.
Segun ken ni Palace Press Officer Atty. Claire Castro, nagpa-ayab ti command conference ni Health acting Secretary Edwin Mercado kadua dagiti DOH hospital tapno papigsaen ti koordinasion ken referral dagiti pasiente iti nagbaetan dagiti ospital.
Dagiti fast lane para iti leptospirosis ket masarakan kadagiti hospital idiay Metro Manila, Ilocos Region, Cagayan Valley, Central Luzon ken Cordillera Administrative Region.
Gagem daytoy nga addang a masigurado ti naan-annay nga hospital bed para kadagiti pasiente a kasapulan a ma-admit.
-- ADVERTISEMENT --
