Imbilin ni Pres. Ferdinand Marcos Jr. iti napaspas a panagiwaras ti P8 billion a pondo kadagiti nasurok 42,000 a barangay iti intero a pagilian tapno makatulong kadagiti lokal a gobierno iti panangsango iti epekto ti krisis idiay Middle East.
Segun ken ni Executive Secretary Ralph Recto, narugian ti rollout iti programa a “Bawat Barangay Makikinabang” idi March 24 nga awan iti pormal a pakaammo.
Iti salinong dayta ket tunggal barangay ket makaawat ti sag-P200,000 para kadagiti proyekto iti edukasyon, social ken pagbiagan.
Iti umuna a batch ket 5,000 a barangay iti nakaawat ti pondo pakairamanan iti kaudian a benepisyaryo dagiti barangay idiay Pilar, Bataan a personal a dimmar-ayan ti presidente iti panagiwaras.
Ti pagannurotan iti programa ket mabalin nga aramaten ti kagudua a pondo wenno P100,000 para kadagiti proyekto iti kinatalged ken imprastraktura kas iti street lights, patrol vehicles, CCTV ken dagiti generator para ti health centers ken evacuation centers.
Idinto a ti nabatbati a P100,000 ket mailatang iti finisher program para kadagiti estudyante nga addan iti maudi a tawen iti kolehio tapno masigurado a makaturposda iti baet ti epekto iti krisis.
